جندا...ءِ دو سلاحبندیں باسک مندءِ نزیکا کشگ بیت انت

رستگیں حالےءِ ردا بلوچستانءِ کیچ دمگءِ شھر مندءِ نزیکا پاکستانی فوجیاں دوکس کشتگ انت۔ ایشانی نام طارق و عبداللہ شنگ بیتگ انت۔

کشتگیں مردمانی جسد بلوچ نشنل موومنٹءِ جھدکاراں ماں مند دست گپتگ انت و ھمودا کل کتگ انت۔ کل کنگا پد بلوچستانءِ بیرق ماں قبرانی سرا ٹال کنگ بیتگ۔

انگت ھچ گل یا ٹولیا اے مردمانی باروا سرپدی نہ داتگ، بلے بلوچی نیوزءَ رستگیں حالءِ ردا ایش 'جندا۔۔۔'ءِ باسک بیتگ انت۔

گوستگیں ھفتگا ماں مغربی بلوچستانءِ سرباز دمگا کہ گوں مند ھم زید انت، جندا۔۔۔ءَ راہ بستگ و شش ایرانی فوجی چست کتگ اتنت۔ شہ اے کارا پد ایرانیاں دمگا فوجی آپریشن کتگ ات و وتی مردم چُٹـّائینتگ اتنت۔

وتی مردماں رکـّینگءِ توجیلا ایرانی واکاں یکـّے شہ چکانپتگیں مردمانی بیرانیءِ حال داتگ ات، بلے پدا گشت اش کہ آ خبر ردییے بیتگ و ششمی مردم ھم زندگ انت۔ ایرانیانی خیالا فوجی آپریشنا جند۔۔۔ءِ لھتے باسک کشگ بیتگ انت۔ البت جندا۔۔۔ءَ ایشی باروا بیانے نہ داتگ۔

ایرانی مدام پاکستانءَ میاریگ کن انت کہ آوانی نیمگ ایرانی یاگیانی پناھجاہ انت۔