بلوچ و بلوچستانءِ دو گونڈیں بلے خاصیں حال

سردار فاروق لغاری بیران بیت

ماں پنجاب جاھمنندیں بلوچ ٹک لغاریءِ سریں سیاسی و قبیلوی راھشون سردار فاروق لغاری ماں پاکستانءِ شھر راولپنڈی بیران بیت۔ فاروق لغاری دلءِ نادراھے ات و عمر ئی 70 سال ات۔ فاروق لغاری یکـّے شہ پاکستانی پیسری صدران ات۔

میر خیربیار مریءِ سیاسی پناہءِ عرضی نامنظور بیت

یک آنلائن حالجاھےءَ خبر داتگ کہ بلوچ راھدربر میر خیربیار مریءِ داتگیں سیاسی پناہءِ عرضی برطانیاءِ سرکارا نامنظور کتگ۔ آئیا ماھے ساریا شہ برطانیا سیاسی پناہءِ دستبندی کتگ ات۔

چونائیا گيئشتر سیاسی پناہءِ دستبندیاں بنداتا برطانیا رد کنت، بلے اپیل کنگا پد کئس قاضیانی دیما ایر کنگ بی انت۔ اودا درخواست دیوکا موہ دیگ بی انت کہ وتی درخواستءِ حقا قاضیا بہ منـّين انت.

بلوچستانی شاھی کٹمءِ جانشین میر سلیمان داؤدءِ سیاسی پناہءِ عرضی ھم بنداتا نامنظور کنگ بیتگ ات۔ البت آئیا اپیل کت و رندا قاضیا سرکار حکم دات کہ پناہ دیگ به بیت۔

تانگہ زانگ نہ بیگا انت کہ باریں میر خیربیار مری اپیل کنگا واھوک انت یا نہ۔