نشنل پارٹیءِ جهدکاراں وتی خوناں میچلتگیں شمع روک کت انت

بلوچ سیاسی و وانندہ جھدکارانی دستگیری و چیریں جاگھاں بندیگ کنگءِ پاکستانی کارکردءِ خلافا نشنل پارٹیءِ جھدکاراں ماں گوادر وتی خوناں میچلتگیں شمع روک کت انت۔

نشنل پارٹی -گوادر ھنکینءِ سروک واجہ عابد رحمان سھرابی، حاجی حمید و بی اس او -پجارءِ پرگنگی صدر واجہ محمد جانءَ تھروزی مچی سرکشی کت۔ ایشاں دستگیر و بندیگیں بلوچ جھدکارانی جیڑہءِ ردا پاکستانی قاضیانی نادلگوشی ایرجت۔