زیوَرءِ دکانءَ پُـلــَگءِ توجیل بے سوب، دو دوز دستگیر

ماں گوادر یک زیوری دکانےءَ پلگءِ دوزانی توجیل بے سوب بیت و پولیسءَ دو دوز دستگیر کت انت۔

رستگیں حالےءِ ردا سئے دوز ماں 'رفیق جیولرز' نامیں زیوری دکانےءَ پُترتگ انت، وتی وتاس اش دکاندارءِ سرا داشتگ انت و جھد اش کتگ کہ شہ اودا زیور بہ دوز انت۔

البت ھمے درگتا پولیسءِ سر کپتگ۔ وھدے کہ دوزاں پولیس دیستگ، گڈا شہ اودا جستگ انت۔

پولیس آوانی رندا کپتگ و دو کس ئی دستگیر کتگ۔ دستگیریں دوزانی نام دیدگ و مطلب زامرانی تالان بیتگ انت۔ سئمی دوز کہ تچکا سوبین بیتگ نام ئی انور شنگ بیتگ۔

حال روچتاک انتخابءِ منـّتا و عکس گوادر پرئس کلبءِ منـّتا۔