بلوچ راجءِ دیمرویا وانگجاھانی کردءِ سرحالا ماں تربت یک مراگشے برجاہ دارگ بیت۔ شاگردیں بلوچ جنک و بچکاں سرحالءِ سرا تران کت و پدا ڈراموے پیش اِش کت۔
مراگشءِ پاگواجہ 'نوساچ اکاڈمی'ءِ سروک واجہ عبدالماجد ناصر ات و خاصیں مھمان پروفسر غنی پرواز ات۔
ھائی اسکول چاہ سرءِ استادانی سروک واجہ لیاقت علی گوں اسکولءِ آدگہ آستاداں، تربت زانتجاہ مدیر گنگزار بلوچ، ڈیلٹا اسکولءِ پرنسپل واجہ مراد اسماعیل، ماڈل اسکولءِ استاد محمد کریم و دگہ بازیں استاد و شاگرد مراگشا آتک انت۔
تران کنوکاں گشت کہ پہ راجےءِ دیمرویا وانگجاھانی کرد ضروری انت۔ آواں خرسندی درشان کت کہ تربتءِ زھگانی مات و پت شہ بلوچستانءِ دگہ جاگھانی مردماں وانگءِ ضرورتا سرپد تر انت۔ پمیشا حسابءِ ردا ادءِ گيئشتر زھگ اسکولاں دیم دیگ بیگا انت۔
حال بلوچ یونٹی کانفرسءِ منـّتا۔
هیچ نظری موجود نیست:
ارسال یک نظر
وتی کلوا چێرا نبیس إت