شہ زمانگا ابدالیں بلوچاں بےمتیں پٹاناں سیت داتگ و انگت بلوچی ابدالی و بے متیں پٹانانی سیت و تاوانءِ قصّہ برجاہ أنت۔ نوکتریں مثال شازین بگٹیءِ دستگیری إنت۔ شازین گوں ھفتدہ پاسپاناں و بازیں سلاحاں پاکستانی فوجا زی دستگیر کتگ۔
حالءِ ردا پاکستانی فوج کسےءَ سھیگ کتگ کہ شازین بگٹیءَ ماں چمن بازیں سلاح شہ پٹاناں زُرتگ و دیم پہ کوئٹہ راھی إنت۔ ھمے حالءِ سرا پاکستانی فوجا شازینءِ راہ بستگ و شازیں داما کپتگ۔ صداں ھزار ڈالرءِ سلاح پاکستانی فوجا پچ کپتگ انت۔
بزاں ابدالیں بلوچءِ زر بے متیں پٹاناں بُرت انت و سلاح پاکستانی فوجا۔ آئی جند نیں دگہ ھزاراں ھزار پہ وتی آزادیا پاکستانی کورٹ و قاضیاں بہ دات۔ اے وڑا دشمنانی لاپ سیر بیت انت و ابدالیں بلوچءِ دست سرا، میداں گوجگا بنت۔
شہ پٹاناں سلاح زیرگ و پدا سلاحانی دستگیر بیگ و یا بے بنیں جاگھاں کارمرز بیگءِ بلوچانی داستان کوھنین انت۔ امید انت کہ شہ اے قصّواں بلوچ سوج زیر انت و مدام پہ دگراں کار کنگءِ بدلا وتی زرّاں وتی جند و قومءِ دیمرویا خرچ کن انت۔
هیچ نظری موجود نیست:
ارسال یک نظر
وتی کلوا چێرا نبیس إت