 |
| شمس الدین حسینی |
ملکءِ تھا معیشتی فراڈءِ سببا ایرانءِ پارلمان معیشتءِ وزیرا در کنگءِ چن لانچا اِنت۔ پارلمانی بورڈءِ سروکا مرچی جار پرّینت کہ پارلمنٹءِ لھتے باسکانی واھگءِ سرا آ شہ وزیرا ذمواریاں پچگرگءِ کارا بندات کنت۔
معیشتءِ وزیر شمس الدین حسینیءَ دیمی ھفتگا پارلمانا آیگی اِنت و باسکانی شکایتانی پسہ دیگی اَنت۔ آئیءِ سرا میار لڈگ بیتگ کہ ملکءِ قانونا رواج دیگا سوبین نہ بیتگ، قانونءِ پروشؤکانی دیم ئی داشت نہ کتگ اَنت و بنکانی سروکانی ردیں فیصلوانی دیما نہ اوشتاتگ۔
ایرانی بنکاں ھمے ھنوگاں 2.8 بلین ڈالرءِ فراڈ بیتگ۔ اے فراڈءِ مرکزی کردار یک فرید خسروی نامیں کارباری مردمے اِنت کہ ایشیا نقلی کاگدانی کمکا سرکاری صادرات بنک و دگہ لھتے گلائتگ اَنت۔ شہ اے بنکاں آئیا پہ وتی 40 کمپنیاں سرمایہ پچگپتگ۔ پدا توجیل ئی کتگ کہ یک سرکاری اسٹیل کارخانوے ھم پہ بُھا بہ زیریت۔
ھمے فراڈءِ ردا ملکءِ مرکزی بنک و معیشتءِ وزارتا بنکاں کار کنوکیں چار سریں مردم شہ کارا کشتگ اَنت۔ تبصرہ کارانی خیالا گوں اے مردمانی کشگا سرکارا وتا شہ بدنامیا رکّینگءِ جھد کتگ۔ ایشانی خیالا معیشتءِ وزیرا درکنگا رند احمدینژادءِ سرکار نزور تر بیت اَنت۔
حال فنانشل ٹائمزءِ منّتا
هیچ نظری موجود نیست:
ارسال یک نظر
وتی کلوا چێرا نبیس إت