آصف علی زرداریءِ وسیگ بیران بوت



نصرت بھٹو و آئیءِ جنک بینظیر بھٹو



پاکستانءِ صدر آصف علی زرداریءِ وسیگ نصرت بھٹو ماں دبئی 82 سالگیا بیران بوت۔ آئیءِ جسدا پاکستانءَ دیم دیگءِ چن لانچ بیگا اِنت۔ آئی شہ دیریگاں فالجءِ نادراھے بیتگ و دبئیءِ ایرانی نادراھجاھا دوا درمان بیگا بیتگ۔

نصرت بھٹو بندرا ایرانی و اصفھان شھرا ودی بیتگ۔ البت آئیا گوں پاکستانی سیاستکار ذوالفقار علی بھٹو 1951ءَ سانگ کتگ۔

شہ وتی مردا آئیا چار چک بیتگ اَنت۔ چاریں چکانی نیاما سئے آئیءِ زندا کشگ بیتگ اَنت۔ کشگ بیتگیں چکانی نام بینظیر بھٹو، شاھنواز بھٹو و مرتضا بھٹو اِتنت۔ پشت کپتگیں چکءِ نام ئی صنم بھٹو اِنت کہ ماں لندن جاھمنند اِنت۔

حال گلف نیوزءِ منّتا۔