 |
| انجنیر حمید بلوچ |
نشنل پارٹیءِ دومی چیردستیں صدر انجنیر حمید بلوچءَ ھندی آرگنائزر عبدالرؤف بلوچ و بنجاھی کونسلر حنیف بلوچءِ ھمراھیا کراچیءِ ملیر دمگا ترّتاب کت۔ اودا آواں گوں بلوچ مردماں گندار کت و آوانا گوں نشنل پارٹی ھوار بیگءِ دعوت دات۔
ھمے درگتا نشنل پارٹیءِ اے جھدکاراں بلوچ سرکچ دات اَنت کہ کراچیءَ جاھمنندیں بلوچانی حساب کساس 2.5 میلین اِنت۔ کراچیءِ سئے بھر، گڈاپ، بن قاسم و لیاری بلوچانی دستا اَنت۔
اے ردا اگر چارگ بہ بیت، گڈا سئے یا چار قومی اسمبلی سیٹ و شش تا ھفت پرگنگی سیٹ بلوچانی ووٹاں پر بی اَنت۔ پدا ھم بلوچانی حالا کس جست نہ کنت۔ ایشیءِ بُنی سبب پیپلز پارٹی اِنت۔ پرچاکہ گیشتریں بلوچ ھماواں ووٹ دی اَنت۔
البت پیپلز پارٹیءَ ھچبر بلوچانی ضرورتانی نیمگا دلگوش گوَر نہ کتگ و بادے مرچی اے ھندانی بلوچ شہ سرجمیں ھژردی آسراتیاں زبھر اَنت۔ پمیشا کراچیءِ بلوچ گوں نشنل پارٹیءَ ھوار بہ بی اَنت، تانکہ نشنل پارٹی آوانی ھوارکاریا پہ مردمانی آسودگیا کار کت بہ کنت۔ روچتاک توار
هیچ نظری موجود نیست:
ارسال یک نظر
وتی کلوا چێرا نبیس إت