سیمسرا نندوکیں مردماں روزگار دیگ و آوانی معیشتی حالءِ نیمگا مارا دلگوش اِنت: ایران

محمد علی آزاد ۔مغربی بلوچستانءِ گورنر

مغربی بلوچستانءِ گورنرءَ گشت کہ ایرانءَ ھنوگاں فیصلہ کتگ کہ 54 درملکی کالایاں شہ سیمسری بازاراں ایرانءَ آرگءِ اجازت دیگ بہ بیت۔ ایشیءِ سبب ھمیش اِنت کہ ما سیمسرا نندوکیں مردماں روزگارےءِ واھند کنگ لوٹیں تانکہ آوانی معیشت بھتر بہ بیت۔

گورنر محمد علی آزادءَ درائینت کہ ملکءِ صدرءَ مارا سِکین داتگ کہ سیمسرا نندوکیں مردمانی آسودگیا شہ سیمسرا سوب کنگ بہ بیت۔ ھمے ردا ما 54 کالا کہ آوانی کیفیت چوش کہ ایرانءِ کالایاں شر اَنت، شہ سیمسرا آدیم ایرانءِ آرگءِ اجازت داتگ اَنت۔

یک دگہ حالے محمد علی آزاد جار پرّینت کہ مغربی بلوچستانءِ آمیدگس 800 میلیارد ریال کمک کنگ بیتگ اَنت۔ اے زر پہ قاضیاں آسراتی و ماڑیانی شر کنگا کارمرز بی اَنت۔ شہ ھمے زراں بندیگجاھاں ھم ضروری آسراتی دیگ بی اَنت۔ ارنا