لھتے گونڈیں حال ۔وش ٹی ویءِ منّتا

(1)

ڈیرہ اللہ یارءَ 10 روچاں پیسرآوار جتگیں ھَندی زمیندار اسراراحمد کھوسہءِ درگیجگا پولیس بے سوب بوتگ اسراراحمد کھوسہ ءِ آوارجنیءِ خلافا مروچی 10 می روچ ءَ شھری اتحاد ءِ شدکّشی کمپ برجاہ ات۔ کمپا اسرار کھوسہءِ کماش حاجی عبدالخالق کھوسہءَ وش نیوزءَ گوں تران کنان ءَ گشت کہ آ وش نیوز ءِ منت وارانت کہ آوانی توار ئی برزا برتگ۔

(2)

جیکب آبادءِ تحصیل گڑھی خیروءِ میتگ امیر آبادءَ غیرتءِ ناما مرید بروھیءَ وتی 40 سالیگیں مات تیر گواری کنانا کشتگ۔ وتی ماتءِ کشگا پد ملزما ھمساھگےءِ سرا ھم تیر گواری کتگ، کشتگ۔ دویں خوناں کنگا پد ملزم جستگ۔ ھمساھگاں پولیس حال داتگ و پولیسا دویں لاش پوسٹ مارٹما پد سول ھسپتال گڑھی خیروءَ سر کتگ انت۔

(3)

قطرءِ دوحہ فلم فیسٹیولءِ بندات گوں فریڈاینٹوءِ تامر بلیک گولڈءَ بوتگ۔ دوحہ فلم فیسٹیولءِ ریڈ کارپٹءِ سرا ھمک نیمگا روژنائی شنگ بوتگ۔ فیسٹیولءِ اولی روچا بازیں دز گشیں ازمکاراں بھر زرتگ۔ آوانی لوٹوکاں آ حاصیں وڈےءَ وش آتک کتگ انت۔ فریڈ اینٹوءِ آ حاصیں وڑےءَ وش اتک کتگ انت۔ فریڈ اینٹوءِ تامر بلیک گولڈءَ یک عرب کھولءِ دو جتا جتائیں رنگ پیشدارگ بوتگ انت۔ تامر بلیک گولڈ 30 دسمبرءَ ریلیز بوت۔ دوحہ فلم فیسٹیولءَ سرجمیا 14 تامرانی ندارگ پیش دارگ بیت۔