میر احمد مریءَ اگر قانون پروشتگ، گڈا آمیدگسءَ برگ بہ بیت: کھولءِ لوٹ

شہ حیدرآباد بیگواہ بیتگیں میراحمد مریءِ کھولا کوئٹہ پریس کلبءِ دیما بیگواھیں مردمانی کھولانی نیمگا جتگیں شدکَشی کیمپا پریس کانفرنسے برجاہ داشتگ۔ آئیا تران کنانا گشتگ کہ میراحمد مری 20 ستمبرءَ حیدرآباد ءَ آوارجنگ بیتگ، بلہ انگت آئی بیگواہ اِنت۔

آواں گشتگ کہ مئے برات چیریں اداروانی کارندواں آوارجتگ آواں گشتگ کہ اگاں مئے براتا شہ قافونا دریں کارے کتگ، گڈا آمیدگسءِ دیما پیش کنگ بہ بیت۔ میراحمد مریءِ کھولا بیھار داتگ کہ اگاں آوانی برات دیما آرگ نہ بوت، گڈا بلوچستان اسمبلیءِ دیما آ وت کشی اَنت۔ وتکشیءِ ذمہ واری سرکار و انتظامیہءِ سرا جنگ بیت۔

ھمے درگتا وائس فارمسنگ پرسنزءِ وائس چیرمین خلیل بلوچءَ گشتگ کہ کیمپا ثبت بیتگیں بیگواھیں بلوچانی نیاما شہ 250 ءَ گیشءِ لاش دستا کپتگ انت۔ پمیشا گار و بیگواھیں مردمانی کھول بیم ءِ آماچ انت۔ آئیا گشتگ کہ سپریم کورٹ و انسانی حقانی گل پہ بلوچستانءِ گاریں مردمانی یلہ دیائینگا وتی کردا پیلوبہ کن انت۔