بلوچ رپبلکن پارٹیءِ گوانکو شیر محمد بگٹیءَ حال دات کہ پاکستانءِ سلاحبندیں واک ماں تنگولی بلوچانی لوگاں پترتگ اَنت۔ اودا بی آر پیءِ میتگی صدر اسماعیل بلوچ اش کشتگ۔ دگہ چار کس اش دستگیر کتگ و چیریں جاگھاں برتگ اَنت۔ دستگیریں بلوچانی نام پیر جاں بلوچ، نادر بلوچ، عبدالحفیظ بلوچ و دگرے ظاھر کنگ بیتگ اَنت۔
شیرمحمد بگٹیءَ حالتاکاں دیمداتگیں وتی بیانا ترس درشان کتگ کہ دستگیریں مردم پاکستانی واکانی ایزا جاھاں لٹ کٹ کنگ بی اَنت۔ پمیشا انسانی حقانی میانملکی واک پہ آوانی رکّینگا بہ تُکش اَنت۔
شیرمحمد بگٹیءِ بیانءِ ردا دشمنیں ریاست جنگءِ پڑا گوں بلوچاں مقابلہ کنگا بے سوب بیتگ، پمیشا دیم ئی گوں ھنچنائیں مردماں کتگ و لوگانی سِترا پرؤشگا اِنت۔ البت، دشمن توریں ھمنچو مردم تیرانی آماچ بہ کنت و بہ کوشیت، بلوچ شہ وتی آزادی لوٹگءِ حقا پد نہ کنز اَنت۔
شیرمحمد بگٹیءِ دیمترا شہ بلوچاں دستبندی کتگ کہ آ وت ماں وت گُٹگیر مہ بی اَنت و وتی واکا زوال مہ کن اَنت۔ ایشیءِ بدلا ھواردستیا وتی قوما بہ رکّین اَنت۔ وت ماں وتی جنگانی سیت ھما دشمناں رسیت کہ مدام بلوچانی میڑینگا گولائیش بیتگ اَنت۔ بلوچ ٹوڈے
هیچ نظری موجود نیست:
ارسال یک نظر
وتی کلوا چێرا نبیس إت