 |
| مردم چوں بزان اَنت کہ برقہ پوش پدلیں دیندارے اِنت |
”نزیگ 4000 درملکی مجرم کہ باید شہ برطانیا درکنگ بیتیں اَنت، انگت ھمدا نشتگ اَنت۔ اے مجرمانی نیاما درزناں مردم کُش، جنینانی سرا جنسی زوراکی کنوک و دگہ ترسناکیں سلکار ھوار اَنت“ کرائم واچ ڈوگءَ گشت۔
ھمے سِلکاراں وتی کتگیں جرمانی سزا جتگ، بلہ رندا ایش باید وتی وتی اصلی ملکاں راہ دیگ بیتین اَنت کہ واکداراں راہ نہ داتگ اَنت۔ لھتے کس انسانی حقانی سببا در کنگ نہ بیتگ اَنت و دگہ بازیں کساں ھچ وڑیں پجّاری کاگد گون نیست اِنت، پمیشا زانگ بیت نہ کنت کہ کجا ملکءِ مردم اَنت۔
1600 ھنچیں سلکار ھست اَنت کہ بندیگ اَنت۔ ایشاں یلہ دیگ خطرے اِنت۔ واکداراں ترس اِنت کہ اگر یلہ دیگ بیت اَنت، سلکاری کن اَنت یا وتا چیر دی اَنت۔
برطانیاءِ نوکیں سرکارا وتی انسانی حقانی پھازگءِ قانونا مٹّینگءِ کار بندات کتگ۔ سرکارءِ گمانا کوھنیں قانونءِ نزوریانی سببا ملکءِ تھا بازیں سلکاراں جاگہ کتگ۔ نیں جھدا اَنت کہ پہ سلکار و فسادی مردماں برطانیاءَ جاگہ مہ بیت۔
امگریشنءِ وزیر ڈیمین گرینءَ گشت ”قانونءِ بند 8ءَ کٹمی حق شہ برطانیاءِ مردمانی حقاں گیشتر اَنت۔ پمیشا ما گولائیشیں کہ اے راھبندا بہ مٹینیں“۔ ٹیلیگراف
هیچ نظری موجود نیست:
ارسال یک نظر
وتی کلوا چێرا نبیس إت