بی اس او مینگل ٹولیءِ بنجاھی چیردستیں کارگشاد گوں سنگتاں شہ تنظیما دراتک

بلوچ اسٹودنٹس آرگنائزیشن ۔محی الدین ٹولیءِ چیردستیں کارگشاد ثنا بلوچ و آفتاب گچکی گوں وتی سنگتاں شہ تنظیما دراتک اَنت۔ آواں گشت کہ وتی سیاسی زندا رکّینگءِ مقصدا محی الدین ٹولی اش یلہ داتگ۔ تنظیما یلہ دیگءِ جارا جنوکیں آدگہ باسک ناصر بلوچ، کمبر بلوچ، ن ۔ الف بلوچ، حفیظ بلوچ و گنجدار بلوچ اتنت۔ بی اس او ۔محی الدین ٹولی ءِ پشتیں سیاسی گل بی ان پی ۔مینگل ٹولی اِنت۔

کوئٹہ پریس کلبءِ دیما گوں حالکاران تران کنگا آواں سرکچ دات ”تنظیمءِ تھا سیاسی ناسرپد شہ بنراھبندا در فیصلہ کنگا اَنت۔ آ ظاھرا تنظیمءِ باسک اَنت، بلہ پہ دگہ گلاں کارا اَنت۔ کوھنتریں باسک ڈالچار کنگ و نوکیں باسک گیشتر اھمیت دیگ بیگا اَنت۔ شہ ھمے کارکرداں دلپرؤش بیگا رند ما تنظیما یلہ دیگایں۔ ھمے سببا دگہ باسک ھم وتی ھنداں حالکارانی دیما شہ بی اس او ۔محی الدین ٹولیا درایگءِ جارا جن اَنت۔“ 

حال روچتاک آزادیءِ منّتا۔