نیکشھرءِ پیسری شوراءِ سروک سیٹ درمحمد رئیسی و آئیءِ بچّے ماں وتی کارگسا گوستگیں سئے شنبہءَ تیر ورگا پد ٹپّییں حالا نادراھجاھا برگ بوت اَنت و ھمودا دویناں ساہ دات۔ مردماں وتی چماں دیستگ کہ یک موٹر سایکل سوارے آئیءِ کارگسءِ دیما آتکگ و گوں کلاشنکوف تیر ئی جتگ۔
نیکشھر حالرسانا وتی ویبجاھا شنگ کتگیں نوکتریں حالا درمحمد رئیسیءِ جنازہءِ عکس شنگ کتگ اَنت، البت آئیءِ بچءِ کشگ بیگءِ خبرا ابید دگہ ھچ سرپدی نہ داتگ۔ چدا پیسر شنگ کتگیں حالا دیگ بیتگ کہ کشوک چراگ چکءِ علی محمد بیتگ کہ پولیسانی دیم پہ دیما گوں ایمنی مردم ئی جتگ اَنت و شہ اودا شتگ۔
هیچ نظری موجود نیست:
ارسال یک نظر
وتی کلوا چێرا نبیس إت