شنگ بیتگیں حالانی ردا بلوچستانءِ چمالنگ ھندا یکشنبہءَ سلاحبندیں بلوچاں بیڑ آروکیں پاکستانی فوجءِ یک میجرےءَ ھوار 14 فوجی کُشتگ اَنت۔ شہ سلاحبندیں بلوچاں ھم یکےءِ کُشگ بیگءِ حال متحدہ بلوچستان لبریشن فرنٹءَ داتگ، بلہ نہ گیشتگ کہ باریں اے بلوچ ھمے جنگا کُشگ بیتگ یا دگہ جاھےءَ۔
بی بی سیءَ داتگ کہ پاکستانءِ سیمسری فوجءِ بنجلّےءِ سرا راکٹانی کپگا رند فوجا بلوچانی سرا بیڑ برتگ۔ بلوچ مزاحمتکار گوں سلاحاں بیڑ آروکانی دیما دراتکگ اَنت۔ کشگ بیتگینانی کشا دگہ بازین فوجی ٹپی ھم بیتگ اَنت۔ بالگرداں ٹپی کوئٹہءَ سر کتگ اَنت۔
فوجیاں کشگءِ ذمواری بلوچستان لبریشن آرمیءِ گوانکو آزاد بلوچءَ وتی گلءِ سرا زرتگ و گشتگ کہ اصلا مرتگینانی حساب 40 کس اِنت۔ بی ال افءِ گوانکوءِ ردا فوجیاں کشگا ھوار بازیں گاڑی و دگہ مشین ھم تباہ کنگ بیتگ اَنت۔
آ دیما بلوچ نشنل وائسءَ وتی بیانےءَ گشتگ اے جنگا پد فوجا دیم گوں بلوچانی میتگاں کتگ و لوگ پہ لوگ پٹاسکاریا گولائیش اَنت۔ اے درگتا دھاں کس اش دستگیر کتگ اَنت۔ بی بی سیءِ ردا فوجی بنجلءِ سرا راکٹگواریءِ ذمواری متحدہ بلوچ لبریشن آرمیءَ وتی سرا زرتگ۔
هیچ نظری موجود نیست:
ارسال یک نظر
وتی کلوا چێرا نبیس إت