ھواریں میاراں ایرانءَ مرچی 9 مردم درتکگ اَنت۔ دگہ دگہ شھران درنجگ بیتگیں مردمانی نیاما یک جنینے ھوار اِنت۔
دو مردم ماں کردستان پرگنگءِ بجاھی شھر کرمانشاہءَ سر ظاھرا درنگ بیت اَنت۔ 23 و 25 سالی اے دویں مردمانی سرا میار لڈگ بیتگ کہ ایشاں بڈّے جنیں وتی حوسءِ آماچ کتگ اَنت۔ آماچ بیتگیں جنینانی نیاما لھتے شاگرد بیتگ اَنت۔ درنجگ بیتگیں اے مردمانی نام حالتاکاں شنگ نہ کتگ اَنت۔
فارس نیوزءَ برزا داتگیں حالءِ کشا اے گپ ھم تالان کتگ کہ مرچی 5 مردین و یک جنینے نشوی درمانءِ سوداگریءِ میارا درنجگ بیتگ اَنت۔ ایش ھیروئنءِ سوداگر بیتگ اَنت۔ حالا ایشانی باروا ھم سرجمیں سرپدی نہ داتگ۔
اِسناءَ ماں ساوہ شھرا یک مردمےءِ درنجگ بیگءِ حال شنگ کتگ۔ ایشی ھم جنیں آدمےءَ وتی حوسءِ آماچ کنگا ماریگ ثابت بیتگ۔ اسناءَ ایشیءِ نام م س ظاھر کتگ۔
گوں اے نوہ کسانی ھواریا امبری ایرانءَ درنجگ بیتگیں مردمانی حساب 266 کساں سر بیتگ۔ اے ھما مردمانی حساب اِنت کہ ایشانی باروا ایرانءِ حالجاھان سرپدی داتگ۔
ایرانءَ گشیت کہ پہ قانون و راھبندانی برجاہ دارگا میاریگیں مردماں درنجگ ضروری اِنت۔ الف ۔ف ۔پ
هیچ نظری موجود نیست:
ارسال یک نظر
وتی کلوا چێرا نبیس إت