ماں ڈیرہ اللہ یار ھَندی تاجر اسرار احمد کھوسہءَ آوار جنگءِ کارکرد نشنل پارٹیءِ چیردستیں صدر انجنیر حمید بلوچءَ ایر جت۔ حمید بلوچءَ قانونا رواج دیوکیں بنجاہ ایر جت اَنت و گشت کہ پہ ملام پچگرگا مردمانی آوار جَنَگ کاربارےءِ ڈولا رواج گپتگ۔ اے کاربارءِ سرکشی کنوک پولیس، لیویز و فرنٹیر کورءِ مردم اَنت۔
پہ اسرار احمد کھوسہءِ آزاد کنائینگا بیوکیں ھَندی مردم و نشنل پارٹیءِ ھندی جھدکارانی توجیل انجنیر حمید بلوچءَ ساڑا اتنت و گشت اے پڑا پارٹیءِ مرکزی راھشون ھر ڈولیں کمکا ساڑی اَنت۔ آئیا شہ حکومتا لوٹ کت کہ چاگردا شہ جرائم پیشہ مردماں پَلگار بہ کنت۔
آدگہ دیما بی اس او ۔پجارءَ ناکو خیربخش بلوچءَ چکانپگءِ کارکرد ڈوبار ات و گشت کہ سرکاری چاریگ پہ زانت بلوچستانءِ جاوراں خراب کنگا گولائیش اَنت و گوں جھدکارانی دستگیر کنگ، جَنَگ و کشگ، دور دیگا سرکاری واک مردمانی دلا بیمے دور دیگا واھوک اَنت۔
بی اس او نالءِ گوانکوءِ ردا ناکو خیربخش بلوچ پجارءِ مرکزی حالرساں و شنکاری کارگشاد کامریڈ عمران بلوچءِ پیرُک اِنت۔ ناکو خیربخش شہ لسبیلہءَ دیم پہ جائو راھی بیتگ کہ چاریگاں دستگیر کتگ۔
ھمے گوانکوءِ ردا پہ سیاسی جھدکاراں بلوچستانءَ رَوَگ مھْن کنگ بیگا اِنت۔ بلوچستانءَ ابید شہ چاریگی واکاں دگہ ھیچ ڈولیں سرکارے نہ گواھیت۔ چاریگ وتی واکداریءَ مست اَنت و بے لگامیں اسپءِ ڈولا بلوچاں لپاشگا اَنت۔ سیاسی سرکار ایشانی دیما بے واک اِنت۔
بی اس او پجار نالءِ گوانکوا گیش کت کہ بلوچستانءَ مردمانی انسانی حق ھنچوش پادمال بیگا اَنت کہ ایشیءِ دروَرے دگہ ھچ جاگھا ڈیک نہ دات۔ البت، تانکہ بلوچ وتی سرڈگارا وتواجہ و وتواھند نہ بیتگ اَنت، جھدا برجاہ دار اَنت۔ روچتاک توار
هیچ نظری موجود نیست:
ارسال یک نظر
وتی کلوا چێرا نبیس إت