شہ تربت دیم پہ تمپ راھییں فوجی گاڑی بمبتراکےءَ تباہ کت، دو فوجی کشگ و شش ٹپی اَنت۔ ٹپّیانی نیاما دو ناتاھیر اَنت

پاکستانی واکانی ردا مرچی ماں ناصر آباد فوجی گاڑیانی راھا بمبتراکے بیتگ۔ بمبتراکا یک گاڑیے تباہ و دو پروشتگ اَنت۔ تباھیں گاڑیءَ سواریں دو فوجی کشگ بیتگ اَنت۔ و دگہ شش کس ٹپّی بیتگ۔ ایشانی نیاما دو کس سک ٹپّی بیگءِ سببا ناتاھیر اَنت۔

بمبتراکا پد فوجیاں کش گورءِ راہ گپتگ اَنت و پولکاری کنگا اَنت۔ فوجیاں ھندی پولیس پہ بمبتراکءِ جاگہءِ چارگا نہ اشتگ اَنت۔ کشگ بیتگین و ٹپّی نادراھجاھا رسینگ بیتگ اَنت۔ فوجیانی گاڑی شہ تربت دیم پہ تمپ روگا بیتگ اَنت۔ دی ایکسپریس ٹریبیون

چدا پیسر بامءَ حالے شنگ کتگ ات کہ مرچی صحبا تربتءِ دمگ نودزءَ سلاحبندیں مردماں ایف سیءِ گاڑیانی سرا بیڑ برتگ۔ اے بیڑا ایف سیءِ یک گاڑیے تباہ بیتگ و بازیں فوجی مرتگ اَنت۔