شامءَ وتی ملکءِ تھی جیڑہءِ ٹھینگا عرب لیگءِ سوج گپت اَنت

عرب اتحادءِ ردا شامءَ پہ وتی ملکءِ تھی جیڑہءِ ٹھینگا آوانی سوچ گپْتگ اَنت۔ شامءِ سرکار مخالفاں ھفت بیگا اِنت کہ پہ سیاسی آزادیءَ گوں سرکارا جیڑگا اَنت۔ داتگیں سوجانی ردا شامءِ سرکار شہ شھر و میتگاں فوجی ٹانک و گاڑیاں در بہ کنت، ظاھری دیوکیں مردماں مہ جنت، دستگیر کتگیں سیاسی جھدکاراں یلہ بہ دات و گوں سرکار مخالفاں یک ھفتگےءِ توکا گپ و دیوان بندات بہ کنت۔

ایشانی کشا حالکار، انسانی حقانی پانکجن و عرب لیگءِ نمایندواں ملکا روگا بلّیت تانکہ جاوراں چاراں بہ کن اَنت۔ البت، انگت زانگ نہ بیگا اَنت کہ اے شرطاں منّگ جیڑوا ٹھینیت یا نہ۔ چدا ساری شامءِ سرکارا بازیں بدلیانی زبان داتگ، بلہ پدا ھم مردمانی سرا زوراکی برجاہ بیتگ اَنت۔ تپاکیں ملکانی ھواربندءِ ردا 3000 مردم شہ مارچءَ دیم پہ اِنگو کشگ بیتگ اَنت۔ واشنگٹون پوسٹ