پاکستان پیپلز پارٹی بلوچستانءِ تکءِ جھدکار حاجی لشکری خان رئیسانیءَ گشت ”ھما قوم کہ وتی زبان، لبزانک تاریخ، دود و ربیدگا یاد کن اَنت، ھچبر گار نہ بی اَنت۔ مرچی درامدیں رسانک مئے دود، ربیدگ، زبان و لبزانکا تاوانبار کنگا اَنت۔
”اے درگتا وتی پجّار و ھستیءِ رکّینگا مارا سرجمیں پندل بے سوب کنگی اَنت۔ بلوچستانءِ شاعر و ندکاراں اے وتی ذمواری الکاپیا ادا کنگ لوٹ اَنت“۔ اے گپ آئیا براھوی ادبی سوسائٹی کوئٹہ نوک گچین بیتگیں مردماں وفاداریءِ سوگند دیگءِ وھدا درشان کت اَنت۔
لشکری خان رئیسانیءَ دیمترا گشت ”ھنی سرجمیں دیناءِ دیما بلوچستان بے دروریں جاگھے اِنت۔ پمیشا درملکی واک ادا وتی پنجگاں بُک دیگءِ جھدا اَنت۔ مارا گوں ھمفکری، سائنسی پولکاری، علم و سرپدی اے ناپاکیں ارادہ پرؤش دیگی اَنت۔ اے پڑا نوکجوانانی سرا باز ذمواری کئیت۔“ جنگ
هیچ نظری موجود نیست:
ارسال یک نظر
وتی کلوا چێرا نبیس إت