پیپلزپارٹیءِ راھشون و ڈنی کارانی پیسری وزیرشاہ محمود قریشیءَ شہ وتی سیاسی گل و قومی اسمبلیءِ باسکیا دستکشیءِ جار جت و گشت کہ پہ وتی سیاسی بانداتا 27 نومبرءَ فیصلہ کنت، بلہ گوں پیپلزپارٹیءَ سیادیءِ گڈی روچ شتگ۔
ملتانءَ پریس کانفرنس کناں شاہ محمود قریشیءَ اے ھم گشت کہ شہ صدرزرداریءِ نیمگا امریکاءِ سروکاں نمدی راہ دیگ درگتا اگر منصوراعجازءِ گپ دروغے انت، گڈا صدرزرداریءَ منصوراعجازءِ خلافا گامگیج زیر لوٹیت۔ البت، اگر صدر زرداریءَ امریکاءِ سروکانی سرا نمدی دیم داتگ، گڈا سپریم کورٹ وت نوٹس بزیریت۔
ڈنی کارانی گوستگیں وزیرا اے ھم گیش کت کہ آئی ھچ پیمیں وزارتےءِ زیرگا نہ واھوک نہ بیتگ، بلہ صدر زرداری کڈن کتگ کہ آ ڈنی کارانی وزیرجوڑ بہ بیت۔
شاہ محمودقریشیءَ دستبندی کت کہ سرکار مخالف شہ ھنوگیں اسمبلیا دستکش بہ بی اَنت و تانکہ نوکیں گچینکاریءِ راہ پاچ بہ بیت۔ آئیءِ ردا صدر زرداریءَ بینظیر بھٹوءِ کِشک یلہ داتگ۔ مرچییں پیپلزپارٹی بینظیرءِ گل نہ انت، بلکیں زرداریءِ پیپلزپارٹی انت۔
ھمے باروا بلاول ھاؤسءِ ربالکارءَ شاہ محمود قریشیءِ بھتام ایر جت انت و گشت کہ شاہ محمود قریشی چوش کہ میرجعفر و میرصادقءَ انت۔ پہ وتی پلگار کنگا آئیا گندیں سیاست بندات کتگ۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت