صدرآصف علی زرداریءَ گوں ترکمانستانءِ صدرقربان علی برودے محمدوفءَ گند نند کتگ۔ دویں ملکانی نیاما توانائی و دونیمگی کار بارءِ منصوبوانی تھا تیزی آرگ، و بازیں معاملاتانی سرا تپاکی کنگ بیتگ۔ ایوان صدراسلام آبادءَ بیوکیں گند نندا رند دویں ملکانی سروکاں 7.6 ارب ڈالرءِ ترکمانستان، افغانستان، پاکستان و ھندوستان گیس پائپ لائنءِ پراجیکٹءِ سرا کار کنگءِ امید پدر کتگ۔ زانگ بہ بیت کہ اے پروجیکٹءِ قراربند گوستگیں سالا ترکمانستانءِ بن شھر اشک آبادءَ دست خط کنگ بیتگ ات۔ اے گند نندءِ درگتا دویں سروکاں دمگی و میاں ملکی معاملاتی سرا ھم چمشانک داتگ۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت