بلوچ ربپلکن پارٹیءِ گوانکو شیرمحمد بگٹیءَ وتی بیانےءِ راھا بلوچستانءَ پاکستانءِ فوجی آپریشنءِ بند بیگءِ گپ دروغے گشتگ و سرپدی داتگ کہ چمالنگ، مری، سوئی و ڈیرہ بگٹی ھنداں ریاستی فوجا وتی زوراکی انگت برجاہ داشتگ اَنت۔ اے درگتا فوج آزادیا نوکتریں سلاح کارمرز کنگا اِنت۔ آپریشنءِ بند بیگءِ دروغا ریاستی فوج پہ دنیاءِ بَڈگا بندگا اِنت۔
شیرمحمد بلوچءَ سرکچ داتگ کہ بلوچ قوما گوں وتی یکّوئی جھدا دشمن ریاست مرگی کتگ۔ و اگر بلوچ تپاک و یکدست بوت، گڈا ریاستءِ مرگ المّی بیت اِنت۔
ھفتگے ساری ماں ڈیرہ اللہ یار دستگیر و گارکنگ بیتگیں بلوچانی باروا سرپدی دیاں واجہ شیرمحمد بلوچءَ گشتگ کہ ادا آوار جنگ و گارکتگیں مردمانی نیاما بی آر پیءِ جھدکار اقبال بگٹی رندءِ تیر آماچیں لاش سئےشنبہءَ دستا کپتگ۔ ایشیءِ کشا خیربخش بلوچ ماں بیلہ کشگ و دور دیگ بیتگ۔ ریاستا زانگ لوٹیت کہ اے کپتگیں کارکرد بلوچ قوما شہ آزادیءِ جھدا دستبردار نہ کن اَنت۔
بلوچانی سرا بیوکیں زوراکیانی ردا انسانی حقانی پانکجنانی باروا تبصرہ کناں شیرمحمد بگٹیءَ گشتگ کہ ایش ایوکا دپی ھمدردی کنگا اَنت، بلہ گوں وتی کارکرداں ھچ شون نہ دیگا اَنت۔ شہ قانونءِ راھبندا در بلوچانی دستگیری، پدا تیر آماچ و شیرچینْتگیں لاشانی دور دیگءِ اَنگتیں کارکردءِ دارگا میانملکی ادارہ پاداں ماں دی اَنت و عملی کارے بہ کن اَنت۔ بلوچ ٹودے
۱ نظر:
گوشتگ من چندے گال پہ دست بندی*
پر بلوچ قوم ؤ پشت پدان رندی*
کہ گپتگ ات طوفان ؤ جمبڈان گرندی*
شر کن ات آپ شونء لوگے عقل مندی*
ھیۓ کن ات مردان بلوچستانۓ جلدی*
کہ ھر کس پر ڈیہا وتی سرا بندی*
گور شما گر نیست انت مصلحت پندی*
گوڈء ملکموت زھران شمۓ سرا چنڈی*
اۓ دو پادین گرک پر پدان شمۓ گنجانی گردی*
پلئین بلوچستانء سرکار سرجمین گیندی*
دست ؤ پادان مۓ یک پہ یک بندی*
پروش ایت سرینء ؤ مۓ دلء سندی*
روت ماں کلاتء ؤ ماڈیء نیندی*
پہ مۓ سرا دراھین بلوچانی قندی*
گر دیم کن ات رھبندء خداوندی*
بکشیت رب عقل ؤ بخت خردمندی*
رب بدے مارا ھمتے مردی*
یک قدرت ؤ توفیقے صحت مندی*
عبدالوھاب پر دراھین راجء دلبندی*
کہ دل مۓ پر بلوچستانء داریت آرزومندی*
ارسال یک نظر
وتی کلوا چێرا نبیس إت