فرانسءِ دادگاھےءَ گوں جنا وپْت واب نہ کنوکیں مرد ملام کت

فرانسءِ دادگاھےءَ یک مردے دہ ھزار یورو ملام کتگ، پرچاکه آئیا تاں بڈے سالاں گوں وتی جنا وپْت واب کنگءِ ذمواری أدا نه کرتگ.

پنجاہ و یک سالگیں جن و مردا 1986ءَ سیر کته بیتگ و دو چک إش ھست. إیش جنوری 2009ءَ سون برات بیتگ أنت. سون براتیءِ سبب ھمے بیتگ که مردا گوں جنا وپ واب نه کرتگ.

دادگاھا وتی فیصلهءِ درگتا گوشتگ که جنینءِ زبھریانی سببا آئیا ملام رسگ حق إنت۔ جنءِ واھگ برحق بیتگ أنت، پرچاکه سیر کرتگیں مردم گوں وپت واب یکا دگرءِ دیما دوستی شون دی أنت، بله إے نامرادیں مردا وتی إے ذمواری پادمال کرتگ.

مردا عذر پیش کرتگ که وتی نادراھی و باز کاریءِ سببا آ جنیگی نه بیتگ. ألبت، دادگاہءِ دیما آئیا وتی نادراھیءِ ھچ ثبوت نه داتگ. پمیشا آئیءِ دپی عذر دادگاھا نه منّتگ. ألف پ ف