ایرانءِ کماش آیت اللہ خامنہ ایءِ سوجکارےءَ گشت کہ آ واھوک اَنت وتی جوھری ٹکنالوجیءَ ترکیءَ شریدار بہ کن اَنت تانکہ ترکی ھم جوھری پارو پلانٹے اڈ کت بہ کنت۔ محمد جواد لاریجائیءَ سرکچ دات ”ایرانءَ شرّیں ڈولےءَ جوھری سائنس و ٹکنالوجیءِ صلاحیت گپتگ و ما ایشاں وتی ھمساھگ و دوستیں ملکاں شریدار کنگا ساڑییں۔“
”ترکیءَ سالاں سال اِنت کہ جوھری پاور پلانٹے جوڑ کنگا واھوک اِنت، بلہ ھچ مغربی ملک آئیا کمک کنگا ساڑی نہ اِنت“ لاریجائیءَ گیش کت۔ ”مئے عرب ھمساھگانی ھم حال ھمیش اِنت
”ما اے پڑا گوں آواں ان پی ٹیءِ ھمردیا ھوار کاریا ساڑییں“ لاریجائیءَ 1968ءِ قراربندءِ نیمگا اشارہ کت کہ ایشیءِ مقصد ماں جھانءَ جوھری سلاحانی دیما دارگ اِنت۔
”ما ھوار دستیا جوھری پاور پلانٹ جوڑ کت کنیں، یکا دگرا شریدار کت کنیں۔ ایشی پہ ما زر کٹگءِ درے اِنت۔ ما گسڑ دانیں ملکے نہ ایں کہ جوھری پلانٹے جوڑ کنیں و رنبینیں، نے کہ مئے ملک کینڈا اِنت“ گوں رائٹرزءَ وتی انٹریوءِ تھا لاریجائیءَ درشان کت۔ رائٹرز یوکے
هیچ نظری موجود نیست:
ارسال یک نظر
وتی کلوا چێرا نبیس إت