مارا بلوچستانءَ انسانی حقانی پادمالی تورینگا اِنت، بلہ آزادیءِ جنزا کمک نہ کنیں: امریکا

واشنگٹن، 15 نومبر (PTI) مرچی امریکاءَ گشت کہ بلوچستانءَ انسانی حقانی پادمالی و رسانکانی سرا بندش آواں تورینگا اَنت، بلہ آزادی لوٹولیں بلوچ جنزا آ کمک نہ کن اَنت۔

”شما شہ ما شرتر سرپد اِت کہ ما بلوچستانءِ جیڑوا مارگایں۔ ایشانی باروا ما پاکستانءِ سرکارا ھم گشتگ“ وتی ھر روچی رسانکی گدارا امریکاءِ گوانکو مارک ٹانرءَ سرکچ دات۔

البت، وھدے پاکستانی حالتاکاں شنگ بیتگیں گپےءِ باروا کہ امریکا آزادی لوٹوکیں بلوچاں کمک کنگا اِنت و بلوچ حالکارے سیاسی پناہ اش داتگ، جست کنگ بوت، گڈا آئیا گشت ”چوش نہ اِنت“۔

”اودءِ باروا و پاکستانءِ رسانکانی آزادیءِ باروا مئے ناوشیءِ پڑ پراہ تر اِنت۔ و وھدے یک چیزےءِ باروا مارا ناوشی بہ بیت، ما آواں پاکستانی سرکارءِ دیما درشان کنیں“ آئیا سرکچ دات۔ ام اس ان نیوز