عزیز بنگلزئی و نبی بخش پرکانیءَ بے گناھیں بلوچ کشتگ اَنت، پمیشا ما جتگ اَنت: تحریک نفاذ امن

تحریک نفاذ امن نامیں ٹولیےءِ گوانکو غازی خانءَ گشتگ کہ عزیز بنگلزئی و نبی بخش پرکانی ھماواں کشتگ اَنت۔ اے دویں مردماں بے گناھیں بلوچاں کشگءِ میار منّتگ۔ ”بی ال اے، بی ال اف، بی آر اے و لشکر بلوچستانءِ مردماں ما نہ بکشیں۔ ایشانی یک لڑے ما ساڑی کتگ۔ آوانی بجل، لوگ و کارجاگھاں ما زانیں و مئے غازی آواں شوھازا اَنت۔ ھرجاگہ کہ دستا کپت اَنت، گرگ بی اَنت و وتی عاقبتا سر کنگ بی اَنت۔ ما ھر حالتا بلوچ وطنءَ ایمن کنیں“ روچتاک توارءَ شنگ بیتگیں غازی خانءِ بیانا سرکچ داتگ۔