پاکستان پیپلز پارٹی راھشون و حسین حقانیءِ لوگبانک فرح ناز اصفھانیءَ گشتگ کہ منصور اعجازءِ خلافا امریکا و پاکستانءَ کیس کنگ بہ بیت۔ پرکہ پاکستانءِ جمھوری رواجءِ خلافا آئی کارا گولائیش انت۔ اسلام آبادءَ گوں حالکاراں تران کناں آئیا گشتگ کہ منصور اعجاز دروغ بندیت، برے آئی ایس آئیءِ سرا بھتام جنت پدا بہ گندئے گوں آئی ایس آئیءِ سروکا گند نند کنت۔
حسین حقانیءَ گشتگ کہ منصور اعجازءِ گپاں منی سر پر نہ بیت، آئی یک نیمگےءَ منا وتی جوانیں سنگت و وطن دوستے گشیت، و دومی نیمگا منا دروغ بند نامنینیت۔ حسین حقانیءَ جست کتگ ”منصور اعجازءَ امریکائیانی سرا میمو چے وڑا دیم داتگ و پرچا دیم داتگ؟ شہ کجا پدّر بیت کہ میموءِ جوڑ کنوک من بوتگاں؟“
حسین حقانیءَ گشتگ کہ چاریگ پٹاسکاری بہ کن انت تانکہ ظاھر بہ بیت سرکار و فوجءَ میڑینگءِ پندلا کے سازگا انت۔
سرکارءِ خلافا پندلانی باروا پیپلزپارٹیءِ ایم این اے شیرمحمد بلوچءَ گشتگ پاکستانءِ سیاسی سرکارءِ خلافا پندل ساز بے سوب بی اَنت۔ شیر محمد بلوچءَ اے گپ ماں کراچیءِ ھند ملیرءَ یک دیوانےءِ دیما درشان کت۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت