مچ دمگا ھر ڈولا ایمنی برجاہ دارگ بیت: اف سیءِ سروک

ایف سی بلوچستانءِ آئی جی میجرجنرل عبیداللہ خانءَ گشتگ کہ مچءَ ھر دروشما ایمنی برجاہ دارگ بیت۔ اشکرءِ کھناں کار کنوکیں جفاکش و دگہ کارندہ الّما تحفظ دیگ بی اَنت۔ جمعہ و شنبہءَ دمگا اف سی مفتی میڈیکل کمپ ھم جنت۔

آئی جی عبیداللہ خانءَ مچءِ نزیکی دمگ ماراوارڈ کول مائنزءِ نزیکی میتگاں تر تاب کتگ۔ اودا آئیا جاورانی سرا پولکاری کتگ۔ دمگءِ مردماں گوں آئی جیءَ ڈیک وارتگ و وتی جنجال اش درشان کتگ انت۔ آئی جیءَ مردم دلجم کتگ اَنت کہ پہ آوانی ایمنیا سرجمیں توجیل کنگ بی اَنت و کھناں جنگءِ کار برجاہ دارگ بیت۔

آئیا دمگءِ وانگ و زانگی چست ایرانی مھتلی، اسکول و جان سلامتی ءِ اداروانی نابودیءِ سرا دلپدردی درشان کتگ، و زبان داتگ کہ دمگا دیمرویءِ کار زوتاں بندات کنگ بی اَنت۔ عیدءِ موکلاں پد ادا وانگءِ چست ایر ھم بندات کنگ بی اَنت۔ ایف سیءِ آئی جیءَ نیزگاریں مردمانی نیاما تؤشگ ھم بھر کتگ۔ وش نیوز