کمشنری رواجءَ شہ مردماں واک پچگپتگ اَنت: کیچ بار و سی سی بیز

کیچ بار ایسوسی ایشن و سی سی بیز نیٹ ورکءِ دیوانءِ مرچی کیچ بارءَ برجم دارگ بوتگ۔ دیوانءِ تھا سی سی بیز کیچءِ کارگشاد ڈاکٹر خدا بخش قومی، فضل کریم، یوسف عزیز گچکی، ناظم الدین ایڈووکیٹ، جاڑین دشتی ایڈووکیٹ و دگہ ادیب، وکیل و جنیناں بھر زرتگ۔

دیوانءِ تھا مارشت درشان کنگ بوتگ کہ کمشنری نظامءِ رواج گرگا عوام بے اختیار کتگ۔ ضلع و ڈویژنءِ سرجمیں واکانی واھند کمشنر و ڈپٹی کمشنرءِ دروشما یک مردمےءِ دستا دیگ غیرجمھوری نظامے اِنت۔ آواں لوٹ کتگ کہ ضلعی ناظمی، ضلعی اسمبلی و کونسلرسسٹم ءِ پیسری راھبند پدا رواج دیگ بہ بیت۔ وش نیوز