بولانءِ کش گوراں بیوکیں فوجی آپریشن بلوچ نشنل وائسءَ زورگریں ریاستءِ زوراکیانی بھرے لیکت و گشت کہ شہ سئے شنبہءَ ماں دمگا نسل کش آپریشنے بیگا اِنت۔ اے آپریشنءَ جنگی گراب و بالگرد میتگانی سرا راکٹ و بمب دور دیگا اَنت۔
بلوچ ٹودے حالجاھا شنگ بیتگیں بیانا داتگ کہ زورگریں واکاں مارگٹ، پیر اسماعیل، لیس، دشت و ڈگاری میتگ انگِر کتگ اَنت و میتگاں روگ و آیگءِ راہ اش بستگ اَنت۔ بلوچ شپانک، گدان و آوانی رمگانی سرا زمینی فوج گوں توپاں بمبگواری کنگا اِنت، و جراثیمی و زھری سلاح کامرز کنگا اِنت۔
بیانءِ ردا بلوچانی نسل کشیءِ کشا زورگریں فوج آواں معیشتی حسابا ھم تباہ کنگا گولائیش اِنت و کشاراں ماندارگا اِنت۔ حال رسگا اِنت کہ شہ توپ و تیرگواریءَ رکّتگیں دلوتاں فوجی آوار جنگا اَنت۔
”راھانی بند کنگ بیگءِ سببا تچکیں حال دستا کپگا نہ اِنت، بلہ زوراکیں آپریشنءِ سببا ھمے اندازہ اِنت کہ بازیں ھنچنائیں بلوچ کشگ بی اَنت“ بیانا داتگ
بلوچ نشنل وائسءَ گیش کتگ کہ بلوچ قومی آزادیءِ کاروانءِ دیما زورگریں ریاستا ھر پڑا باھینتگ۔ پمیشا پہ وتی ناکامیانی چیر دیگا دیم ئی گوں ھنچنائیں مردماں کتگ۔
”البت، دشمنا پوہ بیگی اِنت کہ وحشیگری، غیر انسانی و کپتگیں کارکردانی دیما بلوچ جھدا شہ راھا گسر کنگا سوبین نہ بیت۔ فوج توریں ھمنچو مردم بہ کشیت، بلہ شہ بلوچ فرزندانی دلاں قومی آزادیءِ تکانسریءَ در کنگ شہ آئیءِ واکا در اِنت“ بیانا گشگ بیتگ۔
هیچ نظری موجود نیست:
ارسال یک نظر
وتی کلوا چێرا نبیس إت