بلوچستان ھائیکورٹءَ نواب اکبر بگٹی کوش کیس ءِ گوشدارگ ءِ نیاما ایڈووکیٹ جنرلءَ پیسریگیں مزن وزیر شوکت عزیزءِ نمدی پیش کتگ۔ نمدیءَ شوکت عزیزءَ گشتگ کہ نواب بگٹی کوشءَ آئیا ھچ کردار نہ بوتگ ءُ فوج مشرفءِ دستءِ چیرا بوتگ۔
چیف جسٹسءَ گشتگ کہ نامنیتگیں ملزم وطنءَ واتر آرگ بہ بنتءُ ملزمانی وطن ءَ آھگءِ بابتءَ گامگیج زورگ بہ بیت۔ نامنتگیں ملزمانی تھا پرویز مشرف ءُ شوکت عزیز ھوار انت۔
رندا نواب اکبرخان بگٹیءِ بچ نواب زادہ جمیل اکبربگٹیءَ گوں رسانک درا تران کنان گشتگ کہ سرکارملزماں ملکءَ واتر بیاریت ءُ نواب بگٹیءِ کشندہ سزا دیگ بہ بنت۔ گوستگیں دوسالاں اے کیسءَ ھچ وڑیں دیمروی گندگ نہ بوتگ۔
نوابزادہ جمیل اکبربگٹی ءَ نواب بگٹی کوش کیس ءِ گوشدارگا پد بلوچستان ھائیکورٹ ءَ رسانک دراں گوں تران کنان گشتگ کہ ھنوں ھر جاورحالے کہ دیما اتکگ کس وتا ذمہ وار نہ لیکیت۔ پرویزمشرف ءُ دگہ یک دومی ءِ سرا بھتام جنگ ءِ جھدا کنگا انت۔
”البت، من ھمے سرپد بی آں کہ نواب صاحب ءِ کوش ءِ ذمہ وار ھما مردم انت کہ آ 2006 ءَ سرکار ءِ بھر بوتگ انت۔ من وتی پت ءِ کوش ءَ بوتگیں پٹ ءُ پولاں چہ سدک نہ آں۔ ھائیکورٹ ءَ ھر پرمانے کہ داتگ سرکار ایشی ءِ سرا عمل کنگا پہ شری گون نہ انت“ جمیل بگٹیءَ گشت ۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت