 |
| بلوچ زھگ کندیلءِ روشنیءَ درساں یاد کنگا اَنت ۔فوٹو: عزیز سنگھر |
کوئٹہ ءَ ھوارتیوگیں بلوچستان ءَ برق ءِ دراج ءُ بے جاریں لوڈشیڈنگ ءَ مھلوک گوں جنجالاں دوچارکتگ اَنت۔ کوئٹہ ءَ ھمک روچ 4 ءَ داں 6 کلاک ءِ وھدیکہ کچگی دمگاں 14 کلاکانی لوڈشیڈنگ برجاہ انت۔ ایشی ءِ سببا مھلوک جنجالانی دیمپان انت ۔
کیسکو ءِ ردا بلوچستان ءَ کیسکو ءِ چیردستیں ضلعواں 1250میگاواٹ برق پکار انت۔
اودا مکران ڈویژن ءَ برقءِ 23 میگاواٹ ءِ کمی ءِ حلاپا چاکرخان رند ایڈووکیٹ ءَ بلوچستان ھائیکورٹ ءَ آئینی عرضیے جم کتگ۔ عرضی جم کنوکاں گشتگ کہ مکران ءَ اے وھدہ 56 میگاواٹ برق پکار انت وھدیکہ سرکار ءَ گوں ایران ءَ 33 میگاواٹءِ قرارے بستگ۔
ایشیا ابید مکران 23 میگاواٹ برق ءِ کمی ءِ دیمپان انت۔ چاکرخان ایڈووکیٹ ءَ گشتگ کہ پنجگورءُ پسنی ءِ جرنیٹر نوکاری کنگ بہ بنت ءُ میرانی ڈیم ءَ ھائیڈروٹربائن جنگ بہ بیت۔ چہ ایران ءَ ھم گیشتر برق زورگ بہ بیت۔
اے درگتا بلوچستان ھائیکورٹ ءَ عرضی پہ گوشدارگا قبول کتگ۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت