بلوچستان نیشنل پارٹی عوامیءِ بنجاھی سینیرکمک کارمستر، بلوچستان اسمبلیءَ پارٹیءِ پارلیمانی لیڈر و پرگنگی وزیرصنعت وحرفت سید احسان شاہءَ مرچی کیچ دمگا پارٹیءِ باسک پرس کتگ اَنت۔
احسان شاہءَ شاھی تمپءِ دمگا بی این پی عوامیءِ راھشون خان محمد جان گچکیءِ ماتءِ بیرانی، ندکار عبید شادءِ آرپیں پتءِ بیرانی، کھن پشتءَ دھقان محمد بلوچءِ ماتءِ بیرانی، رشید موسیءِ بیرانی، انجینئرمحمد حسینءِ آرپیں پتءِ بیرانی ، ملائی بازارءَ سول ھسپتالءِ کارندہ و ادیب ڈاکٹرعظیم قادرءِ بیرانی، صلالہ بازار ءَ جمعدار محمد بخشءِ چک باپار ارشادءِ بیرانی، جوسکءَ محمد جان جوسکیءِ آرپیں پتءِ بیرانی سببا ایشانی لوگاں شتگ پرس کتگ اَنت، و فاتحہ وانتگ۔
مردماں پرس کنگءِ درگتا گوں احسان شاہءَ بی این پی عوامیءِ بنجاھی راھشون غفوراحمد بزنجو، خلیل کٹور، نذیرآصف و دگہ سریں جھدکار ھمراہ بیتگ اَنت۔
پرگنگی وزیرسید احسان شاہءَ مرچی شیخانی بازارءَ کیچءِ نامداریں سیاسی و چاگردی راھشون شے حیدرعلی، کلکءَ عبدالواحد بلیدئی، شاھی تمپءَ رمضان دشتیءِ لوگاں شتگ، و گوں آیاں گپ و حال کتگ۔ آئیا مردم سدکی داتگ کہ دمگی جیڑہ زیت زیتیا گیش گیوارکنگ بی اَنت۔
احسان شاہءِ سرکچ داتگ کہ آئی کوشش کنت کہ دمگءِ بے روزگاریں وانندہ روزگار دیگ بہ بی اَنت تانکہ آ وتی عاقبتا جوان کت بہ کن اَنت۔
وزیرسید احسان شاہ و غفوراحمد بزنجوءَ مرچی نیشنل پارٹی بلوچستانءِ کارمسترڈاکٹر یاسین بلوچءِ تروءِ بیران بیگا کلگءِ قبرستانءَ آئی نماز جنازوا ھم بھر زرتگ۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت