سِلّیں مردم ھر جاگھا وتی پدا پیداگ کنت

پہ لندنءِ آمیدگسےءَ کار کنوکیں منشیے لب زیرگءِ میارا بندیگ کنگ بوت۔ منیر پٹیل نامیں 22 سالگا شہ بندیگاں لب زرتگ و آوانا یلہ دیگءِ راہ جوڑ کتگ۔

قاضیا سزا دیگءِ وھدا گشت ”تو سکّیں سلیں کارے کتگ، تو شہ وتی ذمواریاں بے راھیں سوب زرتگ و تئی سرا ھستیں اوست تو پرؤشتگ۔“

منیر پٹیلءَ نزیک 53 مردم شہ بندیگیا رکّینتگ اَنت۔ آئیا مردمانی کیسءِ کاگد خراب کتگ اَنت۔ خرابیں کیس کہ قاضیانی دیما برگ بیتگ اَنت، قاضی مجبور بیتگ اَنت کہ باطل اش بہ کن اَنت و میارباراں یلہ بہ دی اَنت۔

ترانگ بہ کپ ات کہ چدا ساری برطانیاءَ لب دیگ و لب زیرگءِ خلافا قانون نہ بیتگ۔ اے قانون امبری جوڑ کنگ بوت و منیر پٹیل ایشیءِ اولی آماچ اِنت۔ اے پی۔