امریکاءَ نندارینتگیں پاکستانی سفیرا وتی ملکءِ فوجءِ خلافا پندلسازی کتگ

حسین حقانی کہ امریکاءَ نندارینتگیں پاکستانءِ سفیر اِنت، پاکستانی فوجءِ خلافا پندلسازیءِ میارا مانگیشتگ۔ حسین حقانیءَ کہ امریکاءِ پاسپورٹ ئی ھم ھست، فیصلہ کتگ کہ شہ وتی ذمواریاں دستاں بہ کشیت و پاکستانءَ چھر کنگءِ بدلا ھمودا مھتل بہ بیت۔ آئیا ترس درشان کتگ کہ پاکستانءَ سر بیگءِ درگتا فوج ئی دستگیر کنت و پدا امریکا چھر کنگا نہ الیت ئی۔

پاکستانءِ خلافا امریکاءِ سنیٹر کیری لوگرءَ وتی ملکءِ سنیٹا یک قانونے منّائنتگ ات کہ ایشیءِ تھا پاکستانءَ داتگیں فوجی و مالی کمکا بازیں شرط ھوار کنگ بیتگ اتنت۔ ھمے شرطانی ھوار کنگءِ میار حسین حقانیءِ سرا لڈگ بیتگ۔ شہ سفارتی ذمواریاں دیر کنگ بیگءِ سرا تبصرہ کناں حسین حقانیءَ گشتگ کہ آئیا شہ کارا گیشتر پاکستان و جمھوری رواج دوست بی اَنت و پہ اِیشاں قربانی دیگا ساڑی اِنت۔ روچتاک آزادی