کنرک ۔کھیرءِ کش گوری میتگانی نمایندہ و کنرکءِ شوراءِ سروکا گشت کہ کھیرءِ کش گوری میتگانی بازیں جنک پہ یک ھنچیں ھائی اسکولےءِ جوڑ بیگا وداریگ اَنت کہ آ شپاں اودا داشت بہ کن اَنت۔
ملا ناصر نیکخواہءَ چارشنبہءَ گوں ارناءِ حالکارا درّائینت: کھیرءِ میتگانی باز جنک شہ بنداتی وانگا دیمترا شت نہ کن اَنت۔ ایشانی ضرورت گوں یک ھنچیں ھائی اسکولےءَ جوڑ کنگا کہ آ شپاں ھمودا داشت بہ کن اَنت، پیلو بی اَنت۔
کھیرءِ آپی سدءِ باروا ملا نیکخواہءَ گشت کہ بلّی توریں کھیر سدءِ سببا سیلابءِ دیم دارگ بیت کنت و آپءِ مھار مردمءِ دستا کئیت، بلہ تناوھدی کہ آئی سرجم نہ بیتگ، سرگان کَورءَ ھداروکی حفاظتی بندے بندگءِ ضرورت اِنت۔
ملا نیکخواہءَ گشت کہ کھیرءِ کلّگاں انب، موز، زیتون، ترْپشیں لیمبو و سیاھیں انجیر کشگ بیگا اَنت۔
ارناءِ حالکارا جھد کت کہ گوں بلوچستانءِ تعلیمءِ کارگشاد غلامرضا قاسمیءَ کھیرءِ مردمانی تعلیمی جیڑوانی باروا گپ بہ کنت، بلہ بازیں ٹلیفوناں رند ھم گوں آئیا گپ کنگا سوبین نہ بوت۔ غلامرضا قاسمی ماں چابھار شاگردانی وابجاھا کپتگیں آسءِ باروا ھم گوں حالکاراں گپ کنگا ساڑی نہ اِنت۔ ارنا
هیچ نظری موجود نیست:
ارسال یک نظر
وتی کلوا چێرا نبیس إت