 |
| کویٹہ بمبتراکءِ یک ٹپّیے برگ بیگا اِنت۔ |
کویٹہءَ بلوچستانءِ پیسری وزیر نصیر مینگلءِ لوگءِ سرا (مھنیں) بلوچستان لبریشن آرمیءِ جانفدا بیڑےءَ 15 کس کشتگ و 30 ٹپی کتگ اَنت۔ ٹپیانی نیاما لھتےءِ حال نگیگ اَنت۔
جانفدا بیڑ برا شہ ترکّگی درمانا پرّیں گاڑیے گوں لوگا ڈیک داتگ۔ بمبءِ ترکّگا رند دانکہ بڈّے کلاکاں نصیر مینگلءِ و کش کِرّی لوگ بُن بیتگ اَنت، و واکدار آسءِ توسینگا سوبین نہ بیتگ اَنت۔
بلوچ لبریشن آرمیءِ گوانکو میرک بلوچءَ شہ چیریں جاھےءَ ٹلفونی بی بی سی حال داتگ کہ آوانی درویش بلوچ نامیں جانفدا بیڑ برےءَ اے بمب تراکینتگ۔ میرک بلوچءَ گیش کتگ کہ ایشی آوانی اولی جانفدا بیڑ بیتگ، چدا رند گشیتر ھمے وڑیں بیڑ برگ بی اَنت۔ بی بی سی
بی بی سیءِ رپورٹا نصیرمینگلءِ میار ظاھر نہ کتگ اَنت۔ البت، دگہ بلوچ ویبسایٹاں داتگ کہ نصیر مینگلءِ بچ شفیق الرحمان مینگل یک مسلح دفاعی تنظیم نامیں ٹولیےءَ سرکشی کنگا اِنت و اے ٹولیا بازیں بلوچ جھدکاراں کشگءِ ذمہ وتی سرا زرتہ بیتگ۔
هیچ نظری موجود نیست:
ارسال یک نظر
وتی کلوا چێرا نبیس إت