مغربی بلوچستانءَ گچینکاری کناینگءِ سروک محمد سرایانیءَ گشت کہ ایرانی پارلمنٹءِ گچینکاریا امیدوار اوشتگءِ مقصدا 143 مردماں وتی نام ثبت کناینتگ اَنت۔ بلوچستانءِ سرجمیں سیٹ شش اَنت۔ امیدوارانی نیاما زاھدانءِ یک کٹمےءِ سئے کس ھوار اَنت۔
سرجمیں امیدوارانی نام ایرانءِ مذھبی پیشونکءِ دیما ایر کنگ بی اَنت و آیی ملکءِ چاریگانی کمکا وتی گچین کتگیں مردماں ووٹا اوشتگءِ اجازت دات اِنت۔ آ کہ گچین مہ بی اَنت، ووٹا امیدوار بیت نہ کن اَنت۔
ووٹاں امیدوار اوشتوکیں مردمانی نیاما 53 مردماں پہ زاھدان سیٹاں نام داتگ، 22 کساں پہ زابل سیٹا، 11 کساں پہ واشءِ سیٹا، 29 کساں پہ ایرانشھر ۔ سرباز ۔ لاشار سیٹا، 13 کساں پہ سراوان سیٹا و 15 کساں پہ چابھار ۔ نیکشھر سیٹا وتی نام ثبت کناینتگ اَنت۔
امیدوارانی نیاما 4 جنیں آدم اَنت و آدگہ مردین اَنت۔ گوستگیں گچینکاریا شہ بلوچستانءَ 159 مردماں نام ثبت کناینتہ بیتگ۔ ارنا
هیچ نظری موجود نیست:
ارسال یک نظر
وتی کلوا چێرا نبیس إت