گوں ایرانءَ کاربار کنویں 180 کمپنی و مردمانی راہ یورپی یونینءَ بست اَنت

گوں ایرانءَ دے و گرءِ پڑا تنْک کنگءِ مقصدا یورپی یونینءَ 180 ھنچیں کمپنی و مردمانی راہ بست اَنت کہ ایشاں گوں ایرانءَ کاربار کتگ۔ اے بندشانی مزنتریں سبب ایرانءِ جوھری پروگرامءِ دیمرویءِ دیما دارگ اِنت۔ البت، یورپی یونینءِ درمکلی کارانی وزیراں گشتگ کہ اے بندش تھرانءِ معیشتا؛ خاص ٹرانسپورٹ و تواناییءِ تکاں تاوانبار کن اَنت۔

برطانیاءِ درملکی کارانی وزیر ویلیم ھیگءَ گشتگ کہ آئی شہ وتی ھمدروراں واھوک اِنت کہ جوھری پروگرام و اودا انسانی حقانی پادمالیءِ سببا جاوراں پہ ایرانءَ نز بیار اَنت۔ البت، ایرانءِ سوچکی ٹیلءِ راھا بندگ و آوانی ملکتاں دارگءِ سرا یورپی اتحادءِ ملک تپاک نہ بیتگ اَنت۔ ڈان