ھفتگے ساریا جیونیءِ نزیکا ایرانی واکانی تیرگواریا کشگ بیتگیں چار بلوچانی لاش مشرقی بلوچستانءِ واکانی دستا دیگ بوت اَنت۔
البت، تیرگواریا ٹپّی بیتگیں دو و شہ دہ کساں گیش دستگیریں ماھیگر انگت ایرانی واکانی بندیگ اَنت۔ ایشانی کشا کشتی ھم گوں 3.5 میلیون روپیاءِ بارا ایرانی واکاں داشتگ۔
کشگ بیتگیں ماھیگرانی نیاما 18 سالگیں شکیل بلوچ ھوار اِنت کہ چار ماہ ساریا سیر ئی کتہ بیتگ۔ آ دگرانی نام لطیف بلوچ، جانمحمد بلوچ و عید محمد بلوچ اَنت۔ ٹپییں دو کسانی نام بھرام بلوچ و غلاممحمد بلوچ اَنت۔
مشرقی بلوچستانءِ سر وزیر اسلم رئیسانیءَ گوں پاکستانءِ بنجاھی سرکارا شکایت کتگ و شہ آواں واھتگ ئی کہ ایران سرکارا اے باروا بہ ڈوبار اَنت۔ رپورٹ احمر مستی خان
هیچ نظری موجود نیست:
ارسال یک نظر
وتی کلوا چێرا نبیس إت