برطانیاءِ سفارتا ایرانیانی پروشت پرؤشا رند ھالنڈ، جرمنی و فرانسءَ وتی سفیر شہ ایرانءَ توار کت اَنت و ناروےءَ وتی سفارت ھداروکی بستگ

فرانسءِ درملکی کارانی تکا جار پرّینت کہ آواں وتی سفیر شہ ایرانءَ پہ سر سوج کنگا توار کتگ۔ ایشیءِ کشا ایرانی سفیر ھم توار کنگ و آئیءِ دیما برطانیاءِ سفارتا بیڑ برگءِ سرا زھر درشان کنگ بیتگ۔ سفارتءِ سرا بیڑ برگ درملکی نمایندوانی باروا سرجم کتگیں میانملکی ویانا کنوینشءِ پادمالی اِنت۔ فرانسءِ صدرا شہ دنیاءِ ملکاں لوٹ کتگ کہ برطانیاءِ سفارتءِ سرا بیڑا رند ایرانءِ سرا بندش بہ جن اَنت۔ الف پ

جرمنی و ھالنڈءَ ھم وتی سفیر شہ ایرانءَ توار کتگ اَنت۔ ایشانی کشا ناروےءَ وتی ایرانءِ سفارت ھداروکی بستگ۔ و سویڈنءَ ایرانی سفیر پہ شکایت کنگا توار کتگ۔ اقوام متحدہ، امریکا، یورپی یونینءَ بہ گر دانکہ ایرانءِ دوستواہ روسءَ برطانیاءِ سفارتءِ سرا بیڑ ایر جتگ۔ الف ف پ