امریکاءَ جاھمنندیں کشمیری لیڈرےءَ دادگاہءِ دیما قبول کت کہ آییا شہ پاکستانی چاریگاں غیر قانونی راھاں زر زرتگ و امریکاءَ مالی نقصان داتگ

امریکاءَ جاھمنندیں سید غلام نبی فایی نامیں کشمیری لیڈرےءَ امریکایی قاضیے دیما منّ ات کہ آییا پہ کشمیرءَ کمپین کتگ۔ پہ اے مقصدا شہ پاکستانءِ آیی ایس آییءَ سال 1990 تانکہ 2011 ءَ 3.5 میلین ڈالر کمک ئی ھم رستگ۔

آییا پہ کشمیرءَ وتی کمپیں ما امریکا ثبت نہ کتگ کہ اودءِ قانونءِ ردا ثبت کنگ ئی ضروری بیتگ۔ ھمے وڑا آیی ایس آییءِ داتگیں زر دوزیءِ راھا آییا دیگ بیتگ اَنت کہ ایشیءِ سببا امریکاءَ شہ 200000 ڈالراں بہ گر تانکہ 400000 ڈالر نقصان بیتگ۔

سید فاییءَ ورجینیا دمگءِ اسکندریا شھرءِ کورٹءِ دیما اے ھم منّتگ کہ آیی ایس آییءِ رستگاری سوجکارءِ ھواریا دگہ کارندواں تچکا گوں آییا رابطہ بیتگ و کشمیری امریکن کونسلءِ مراگشاں داتگیں گشتانکانی باروا سوج ئی ھم رستگ۔ آییءِ ردا آیی ایس آییءَ گلءِ سالی خرچ گیشینتگ۔

کورٹا مارچ 9 پہ آییءِ سزا دیگا گچین کتگ۔ تاں آ وھدا سید فایی یلہ اِنت۔ پرچاکہ آییا کورٹءِ دیما ادبداری کتگ۔

کورٹ آییا پہ پنچ سالاں غیر قانونی کمپین کنگءِ سببا و سئےءَ سالاں گوں اف بی آییءَ دروغ بندگءِ سببا جیلا راہ دات کنت۔

وھدے کہ سید فایی دستگیر بیتگ ات، گڈا پاکستانی سفارتا آییءِ و آیی ایس آییءِ نیاما رشتگءِ باروا ناڈاہ بیگءِ گپ درشان کتگ ات۔ البت، شاھدانی نیاما یکےءَ ایف بی آییءِ دیما گشتگ کہ سید فاییءِ گشتانکانی نیاما صدا 80 گپ آیی ایس آییءِ گشتگیں بیتگ اَنت۔ ڈان