ایرانی واکاں ماں بلوچ زِرا سئے ماھیگر کشت و دو ٹپّی کت اَنت



مشرق و مغربی بلوچستانءِ سیمسر ۔گوگل سٹلایٹ فوٹو



شہ کراچیءَ پہ ماھیگ گرگا بلوچ زرا شُتگیں کشتیءِ سرا ایرانی واکاں تیر گواری کتگ۔ ایشیءِ سببا کشتیءِ سئے جانشو کشگ و دو ٹپّی بیتگ اَنت۔ پدا ایرانی واکاں المریم نامیں گشتی دستگپتگ و پشت کپتگیں جانشوانی ھمراھیا گوں وت برتگ۔ ٹپّی ماں چابھار نادراھجاھا درمان کنگ بیگا اِنت۔

اے گپ جیوانیءِ بنجل افسر امام بکشءَ راستے گشت و گیش کت کہ دو کشتی ایرانءِ نیمگا ماھیگ گرگا بیتگ اَنت۔ ایرانیاں تیرگواری کتگ یکّے تچگا سوبین بیتگ، بلہ دومی گرگ بیتگ۔ کشگ و ٹپّییں مردمانی نام انگت شنگ بہ بیتگ اَنت۔ نے کہ ایرانءَ انگت اے باروا سرپدیے داتگ۔ دی ایکپریس ٹربیون