ایرانی واکاں ماں احواز سرجم کتگیں عیسایی مراگشےءَ بیڑ برتگ و مراگشءِ سرجمیں مردم دستگیر کتگ اَنت۔ البت، رندترا دو سروکاں ابید آدگہ پھکیں مردم یلہ دیگ بیتگ اَنت۔ دارگ بیتگیں دویں کس مرد و جن اَنت۔
دستگیریں مردمانی سنگتےءَ گشتگ ”فرھاد سبکروح و آیی جن شھناز جمعہءِ صحبا ماں احواز مراگشےءَ سروکی کنگا بیتگ اَنت کہ پولیسءَ بیڑ برتگ۔“
آییءِ ردا پولسا درزناں عبادت کنوک کہ ایشانی نیاما جنیں و چوریک ھوار بیتگ اَنت، تھْلانک دیاں بسےءَ سوار کتگ اَنت، و پولس بنجاھا برتگ اَنت۔
حالءِ ردا پولیسا انگت گرگ بیتگیں جن و مردءِ سرا ھچ میار نہ لڈتگ، بلہ اے باروا یک بھانوے شوھاز کنگا اَنت۔
فرھاد سبکروح چدا ساریا ھم یک رندے دستگیر کنگ بیتگ۔ فرھادءِ چرچ ایرانی عیساییانی گلا ھوار نہ اِنت و اودا گیستر برگشتیں مردم رو اَنت۔
شہ ایرانءِ اسلامی سرکارا دلپرؤشیں بازیں مردم وتی دینءَ مٹینگا اَنت۔ خاص احواز دمگا کہ اودا عرب نندوک اَنت، مردم شہ شیعہ فقہءَ درکپگ و سنی بیگا اَنت۔
عرب قوم پرست شیعہ فقہءَ یلہ دیگءِ پلانگریا زیرگا اَنت۔ آوانی ردا آ عرب اَنت و عربانی راستیں فقہ سنی اِنت۔ ایران سنی بیوکیں شیعوانی کار نہ داریت۔
البت، سرجمیا شہ دینءَ درایگ اسلامءِ ردا زنڈیں گناھے اِنت و اسلامی سرکاراں اے وڑیں مردماں ترنْدیں سزا دیگءِ حکم اِنت۔ اے سزایانی نیاما کشگ ھم ھوار اِنت۔
هیچ نظری موجود نیست:
ارسال یک نظر
وتی کلوا چێرا نبیس إت