امریکایی قاضیےءَ القایدہ و طالبانءِ ھواریا ایران ھم 9/11 بیڑءِ میاربار منّ ات۔ خیال ھمیش اِنت کہ شہ القایدہ و طالباں کشگ بیتگینانی خون بھاءَ پچگرگ ممکن نہ بیگءِ سببا نیں امریکا شہ ایرانءَ خون بھا لوٹوک اِنت۔ بیت کنت کہ ایرانءَ ھوار کنگءِ مزنتریں سبب ھم ھمے بہ بیت۔
البت، آیرش اِگزامِنرءَ شنگ بیتگیں حالےءِ ردا قاضیا گشتگ ”القایدہءِ باسک ایرانءَ پناہ داتگ اَنت و کُشگ بیتگینانی کٹمانی داشتگیں وکیلا ھنچوشیں ثبوت داتگ اَنت کہ بالیگرابانی آوار جنوکاں شہ ایرانءَ رستگیں کمکاں شون دی اَنت۔“
دو روچ ساریا گلوبل پوسٹءَ امریکایی واکانی داتگیں حالے شنگ کتگ ات کہ القایدہءِ ھنیگیں حسابدار یاسین السوری ایرانءِ پناھا اِنت۔ ھمے حالءِ ھواریا جار اش جتگ کہ ھر کس السوریءِ منندجاہءِ باروا سرپدی بہ دات، آییا 10 میلیون ڈالر داد دیگ بیت اِنت۔
”السوری پہ القایدہءَ زر سرجم کنگءِ مزنتریں کردار اِنت۔ آییا شہ مڈل ایسٹ زر سرجم کتگ و ایرانءِ راھا ماں افغانستان و عراق پہ القایدہءِ خرابکاراں راہ داتگ اَنت۔“ گلوبل پوسٹءَ امریکایی واکدارےءِ گپ نقل کتگ ات
هیچ نظری موجود نیست:
ارسال یک نظر
وتی کلوا چێرا نبیس إت