مشرقی بلوچستانءَ نشنل ھیومین رایٹس کمیش جوڑ کنگ بوت

نشنل پارٹیءَ انسانی حقانی پادمالیءِ خلاف کارکنگءِ مقصدا نشنل ھیومین رایٹس کمیشن جوڑ کت۔ ایشیءِ سرکشی کنوک پارٹیءِ ھفت باسک بی اَنت۔ مقصد ئی بلوچستانءَ انسانی حقانی باروا مردماں سرپدی دیگ اِنت۔ اے حال واحد رحیمءَ گوں دگہ باسکاں کویٹہ پریس کلبءِ دیما کتگیں ترانےءِ درگتا دات۔

آییا گشت کہ جمھوریتءِ ناما سرجمیں دیناءَ انسانانی زندگ بیگءِ حق پادمال بیگا اَنت۔ ھر نیمگا چماں شانْک بہ دییں، آہ و زاری ودی بی اَنت۔ ایشی دیناءِ مزنیں جیڑوے جوڑ بیتگ و انسانی حقانی میانملکی گل بے وس اَنت۔

بلوچستان یکے شہ ایشیءِ دروران اِنت۔ ادا پہ مردمانی حقانی پھازگا گوں سرکارا ایمنی برجاہ کنگ نہ بیگا اِنت۔ پمیشا نشنل پارٹیءِ بنجاھی کمیٹیا شور بستگ کہ انسانی حقانی دیمپانیں تکے جوڑ بہ کنت۔

ایشیءِ ھفت باسکانی کشا یک پرگنگی کمیٹیے ھم جوڑ کنگ بیتگ۔ اے کمیٹیءِ سروک بانک شازیہ لانگو اِنت و گوں پارٹیءِ جھدکاراں یکّوی رابطہ کنت۔ ڈیلی بلوچ