ھرمز تنکءَ بندگءِ کارکردا ما اوپار نہ کنیں: امریکا

امریکاءَ گشت کہ ھرمز تنکءَ بندگءِ کاکرداں اوپار کت نہ کنت و آییءِ زری فوج پہ راہءِ پاچ کنگا مدام ساڑی اِنت۔ امریکاءِ اے گپ ایرانءِ جوابا درشان کنگ بیتگ۔

ایرانی زری فوجءِ کماندارا زی گشتگ ات کہ ھرمز تنکءَ بندگ پہ آواں چوش کہ کلاسے آپءِ ورگا آسان اِنت۔ ایرانءِ بیمتراپءِ سبب مغربی ملکانی چنلانچ اِنت کہ آ ایرانءِ ٹیل بھا کنگءِ راھاں بہ بند اَنت۔

اواریں ملکاں پریشان اَنت کہ شہ ایرانءَ ٹیل نہ رسگءِ سببا وتی ضرورتانی پیلو کنگا دلسیاہ بیت کن اَنت۔ البت، سعودیءِ واکدارےءَ گشتگ کہ آ مشکلیں وھداں پہ دنیاءِ ضرورتانی پیلو کنگا گیشتر ٹیل کشگا ساڑی اَنت۔